Hohe Sommertage: Neue Gedichte-An de Gorenport

Aewer de Wischen weit de Wind

So week as de Atem vun en Kind,

Un kümmt doch vun dat grote Meer,

Vun de wille Nordsee her.

De liggt dar nu wull ganz so still

As'n Kind, dat slapen will,

So lising gluckt an'n Strand de Welln,

As wull en wat in'n Drom vertelln.

Ik dröm hier an de Gorenport

Un bün en Kind up mine Ort,

Un legg ganz sach de Handn tosam,

Un sprek ganz sach 'n leeven Nam.